《非真人 . 卻真事》VII

「媽咪！我將來大個仔後想做設計師。」小六的小強告訴媽媽說。
「強仔，你仲細，不如現在好好地讀書，到時再作打算吧！」強媽以慈母的語調回答小強。

中五畢業的小強以優異成績升讀預科，及後，A-level 高中了狀元。

「媽咪！我想進大學主修平面設計，之後再去完成碩士課程。」
「強仔，阿媽不是反對你去追求自己的理想。不過，難道你不覺得有點大才小用麼？」
「媽...」
「嗱~~~ 一於報法律系啦！」

____ ____ ____ ____ ____ ____ ____ ____ ____ ____ ____ ____

「都唔明老細點諗！佢明明已經成為咗本地殿堂級設計師，不愁冇生意，點解唔嘗試攪好公司的運作及環境，令到我哋唔駛晚晚OT，啲同事又唔駛好似走馬燈咁，幾個月又嚟個新人。」後輩問公司的老臣子。
「有必要嗎？」老臣子笑問。
「如果係公司仔，初起步，都合理吖。幾十年老店啦喎！再者，長遠計，對作品質素、員工士氣、公司發展都有益處嘛！」
「佢老人家未必咁唸呢！爭名逐利、開拓市場、繼續被受尊崇係無止境的。」
「係啫~~~ 一個較健康的工作環境、營運系統同完善管理，正正係本地設計業所缺乏的，唔明白佢點解唔帶頭做好佢。」
「咁多年都係咁，就係咁嫁啦！睇開啲，適應一下啦！」
後輩靈機一動「呀！會唔會關佢係華人事呢？」
「... ...」

____ ____ ____ ____ ____ ____ ____ ____ ____ ____ ____ ____

「Helen，好耐冇見，喺全城最著名設計師的公司工作差不多一年，感覺如何呀？」
「唉~~~ 唔好提啦，我而家搵緊工...」
「吓？點解呀？好多人不知幾恨入你嗰間公司啊！」
「冇糧出呀！今個月出上個月份糧，如果想準時出，八折喎！」
「唔係吓fa？！咁都得？你老細唔驚俾人告同唱咩？有冇原因先？」
「冇。同事主動問佢點解冇任何通告解釋，佢仲懶懶閒咁答:『我一直响公司，房門又長開，你哋可以隨時入嚟問我吖？！』咁你話啦，仲有乜好講？」
「唔係咁衰格嘛？！」

____ ____ ____ ____ ____ ____ ____ ____ ____ ____ ____ ____

(死！發覺自己越來越似八珍姐...)