金（鋪真）帆

Advertising Agency: Leo Burnett, Hong Kong
Executive Creative Director: Connie Lo
Creative Director: Miranda Shing
Art Directors: Miranda Shing, Timothy Li
Copywriters: Paul Yu, Cyrus Ho





「疑似失竊單位為英國攝影師 John Ross，他為樂隊 Manic Street Preachers 名為 LifeBlood 的大碟創作及拍攝的影像」《蛇果》畢明《創意工業冇創意》

... ... ...

兩年前（2007）康港廣告商會 (4As) 的「省靚招牌五十年抄襲事件」震驚中外。今年（2009），有「康港廣告界奧斯卡」之稱的「金帆廣告大獎」大獎得主，又鬧出大鑊嘢！金帆金帆，今鋪都咪話唔煩。（如果尚有廉恥的話）

多年來，有個疑問 —— 唔知點解啲廣告人成日自居最有創意，成日串串貢咁，將做廣告塑造到好似好超然咁。「我淨係惗 concept （gimmick）㗎咋，砌稿呢啲下欄嘢我唔做㗎。」。甚至聽聞有從業、學生、教師以「狗眼看人低」之態傲視其他創意工業界別。「做唔掂廣告，你就返去做 graphic design 啦。」「Graphic designer 淨係惗點整靚啲嘢，我哋？！度橋食腦㗎嘛！（咀秒秒狀）」。又聽聞，有修讀廣告的大學生，以「齋惗 concept」為榮，若被要求提供較完整的 execution 或 finished artwork，就會以「非工作範圍」為由拒絕。據了解，那是老師真傳的。

無意一竹篙打一船人，但行內人，一定知我講緊乜。經過上述兩鑊甘一甘的出醜，真係希望嗰啲目中無人嘅廣告友收皮一下... 唔係，係收殮一下。無知唔係大晒，account 大亦不足以連人格也奉上。

面係人畀，架係自己丟。（自丟兩次，還未夠？）

Logo Enlargement...

Small text: ‘Please be humble and considerate. Visual pollution is a crime.’

港式超現實主義

《施政報告——優質生活》... ... 若果我係景賢里，睇完條片實谷到爆！


《施政報告——六項優勢產業》... ... 點解影小提琴加二胡代表「文化及創意產業」？！又「east meets west」?!


《施政報告——進步社會》... ... 建議拍條《港人的媽媽都是女人》。


《三三四 新學制––家長篇》... ... 一，唔聽凸首話生三個，錯！二，有冇學琴棋書畫歌舞體育中德意法日文入名校先？冇？！更錯！三，有冇請個「姐姐」協助家務揍少爺出入先？！


《三三四 新學制––老師篇》... ... 學子在港讀過超過十間學校，上述老師是鮮有的，混飯食的倒是常見（尤其教切雞的）。


《三三四 新學制––我思、我學、我建未來》... ... how about 結束一黨專政？


《優化建築設計》... ... 唔惡化都偷笑啦。拆咗中央圖書館，消滅地產主義先講啦！


《市區重建策略檢討》... ... 熟口熟面的，耳仔出波波，吖...喺邊度見過呢？！... 搵到！《Honda Yume no Chikara》

好過姓董姓曾吧？！

聽說，已被特衰政府禁了。又一證明，好嘅 idea，喺衰環境，胎死腹中乃屬平常。

「獎門淫 crossover 美女搖房」意淫就得，「姓」愛宣傳性教育就唔得。好一個「創意康港」。睇嚟要進化多幾百年。

Moodboard 友之福音

如果真係 work。真係一天都光晒！

延伸閱讀：Johnson Banks,《Thought for the Week: Mad as hell about moodboards》

國慶贈興

回歸後，國內經濟向上，康港走勢向下，從事創意行業港人紛紛北上搵食，加上國內留學歐美海歸者眾，漸漸地越來越多人話：「國內設計水平就快追過香港。」近年甚至話：「挑！一早過咗香港啦！唔講北京上海，就連廣州深圳搞嗰啲 exhibition 都有睇頭過香港嗰啲啦。香港玩能源啦！」初初聽到類似評論，我還有少少保留。但今日，我信。


中國大陸國慶標誌

康港特區國慶標誌

單單看看這兩個國慶撈稿的質素和風格，便高低立見。一個簡潔鮮明、兩色、sans serif extra bold「60」字樣、小小兩個年份代替了冗長的字句、五星加簡約天安門圖形，點到即止，易用得體，整體雖則未至於攞晒獎，但絕對是及格有餘的作品。反觀另外一個，花哩花碌、夾夾埋埋有成十粒星、蝦肉色特區紫荊花托底不倫不類（懷疑可唔可以咁用）、中英合共廿幾字又紅又假金兼排列過時、幻彩漸變色懶隆重有腳斜體「60」字樣瘀瘀紅紅橙橙極具夜店風情，基本上，設計外行，取向貪婪選材無節制（懷疑是集體創作），完全不曉得標誌與圖畫之分別。

流覽政府網頁，原來特區國慶撈稿有份三頁紙的《標誌使用指引》，內容簡陋草率，很難想像這是一個關乎八百萬人的隆重慶典標誌。

為了慶祝國家成立六十周年，我們特別設計了六十周年國慶的官方標誌。... ...
如機構獲准使用標誌，必須遵守標誌使用指引的規定。

留意，最後一句，「如機構獲准使用標誌，必須遵守標誌使用指引的規定」。

嗱，記住「必須遵守」呢句啦喎。

讓我們來看看由民政事務總署舉辦的「國慶彩旗設計比賽」靚靚海報（下圖）。

唔講張海報有幾靚幾花幾七彩，政府嘢，唔可以太苛求。大家要留意嘅係，左上方的那個「特區國慶撈稿」。

根據《標誌使用指引》中說明，「不應把標誌放在對比效果欠佳的彩色背景上，或在標誌四周勾線」，第三頁圖解亦舉出範例（上圖下），顯示撈稿嚴禁被「四周勾線」綑邊。民政署今云將「特區國慶撈稿」咁用法，明顯地——違——規——了——！！！有法不依，自作主張，莫視一統和諧，乃標識系統大忌。堂堂國慶，咁搞法，太過份了吧。

九流設計，加上非專業運用，在今次國慶六十周年的主要標識設計上已狠狠地証明了康港落後於祖國。還記得京奧那套標緻的 pictogram 嗎？水平之高實在令人驚訝。再睇吓今年康港東亞運動會套「吉祥物 pictogram」，竟然感覺「很大陸」。你話死唔死？

政府呀政府，你咪以為搵個最平嘅做，就唔係浪費公帤至得㗎。畀出真金白銀，換來垃圾一堆堆，也是浪費公帤唷！你雖然唔係我選出嚟，但你醒少少，我哋普羅市民都會有番少少 face（尤其喺同胞面前）。

自稱「國際大都會」，基本形象卻連第三世界也不如。（延伸閱讀：《設計相學III》）

煙花設計師

香港中華總商會獨家贊助的「六十周年國慶煙花匯演」威威相。真係好佩服呢排叔叔嘅勇氣，畀我，我一定唔夠膽咁樣示眾。吖，唔知啲煙花款式係咪出自佢哋手筆？！

（按圖放大）