新年 ‧ 集體失憶

棄舊迎新，新年新氣象，其實，咪即係 —— 集體失憶。堪稱最善忘、最向前 (錢) 看的康港人，不知何時，玩「集體回憶」，認真諷刺。原因無他，要尋根、要去殖民、要緬懷惜日風光 (跟去殖民有點矛盾)、要來個自我身份確認，「集體回憶」順勢成為「潮講題目」(跟 iPhone 一樣)。即管放長雙眼睇吓「集體」到幾時，「回憶」得幾耐。(又唔見啲人「集體回憶」八七、九七股災點慘烈？！)

甚麼保衛天星、皇后碼頭、域多利監獄、藍屋、喜帖街 ... etc，又唔見當年有人保衛啟德機場 (1925-1998)？！自啟用到拆，睇怕超過五十年吧！講「集體回憶」，夠千千萬萬港人喺啟德移民他國震撼？！集乜鬼體，回乜鬼憶吖！拆咪拆囉，但真係唔該 —— 拜托 ——，新起嘅唔好懶懷舊，懶有深度，懶回應市民訴求好冇？！二零零六年，起座乜鬼仿「一九一二年的天星碼頭」嚟做乜春呢？！好靚咩？！好典雅咩？！... ... 唉 ~~~ 好心啦，知唔知醜㗎？！


如果發展是硬到無可再硬的硬道理，假設中環而家要再發展，相信 IFC 二期都難逃厄運。

新年，在港，感到最高興而貼身的新氣象，莫過於特區政府的難得「仁政」—— 新禁煙條例。要以慣常的唱衰康港口吻來大唱反調，指斥當局執法混亂、麻雀館都禁煙等等，是容易的；但身為得益者，想難得地讚讚政府。

康港擠逼都無倫，室內禁煙，令內外滿煙。行出街，處處煙民，跟着其後，「香煙」隨勢而至，夾雜烏濁空氣，都幾難頂。雖則新法例加劇了內外空氣濃度，但換來淨化了的室內環境，未嘗不是一招好的「掩耳盜鈴」。幫襯開的茶餐廳老闆，預期生意會比以往好，因為嗜煙的工友熟客都將「餐後煙」轉移到門外，令「回枱」時間縮短了。對於經濟先行，健康其次的港人而言，無疑今云兩者兼得，雙贏！


又一次驗證，平面 (包裝) 設計在高壓政治下的徒勞無功。(攝於花園城市星洲)

康港處於亞熱帶，暖氣不流行，遇着寒流，加上濕度，比敦倫感覺還冷。但，真的真的，頂唔順電視新聞每遇寒流，都走訪正在打邊爐的市民：「天氣凍嘛，咪落嚟打邊爐囉。」記者：「據老闆話，預料火窩生意會多三成。」極至 cliché！零創意！做冬、開年就訪問上環海味鋪，打風就訪問滑浪友，黃金週話金鋪做咗幾多生意 ... ... 悶，真係悶到爆！比起白紙齋落行黑色 New Times Roman 字更悶！(瓜直人先明)

... ... ... ... ... ...

回到敦倫，心情忐忑。要面對排山倒海的功課外，同時，過早地感到一絲絲與同窗離別之情。雖然不排除神蹟出現，留英建英；但始終，回港建港機會巨大。

願景：做好這半年，望光榮畢業。將前路都交予上帝，看祂如何用我這微小的學子。