Show Me the Money !

進入第二年，要從三大主科中選擇其一為「Home Subject」。Advertising，Design 和 Illustration，學子選了 Illustration，因為想作多方面嘗試 (好似啲歌影視幾棲小生咁)。「Supporting Subject」選了 Photography，因為自己對其他兩科，AV (mainly 拍片) 和 eGraphic (interactive stuff and web design) 興趣不是太大，而且從前已經略有接觸過，因此，很想專心拍拍照。這兩個科目成了未來兩年主要的學習大綱，當中所有的 projects 都必需要完成。除此以外，還有其他類似「elective」的科目可供自由選擇，如 Animation、Typesetting、Etching、Printmaking 等，Screen-printing 成了胆拖一拖二的第二隻腳。加上 Cultural Studies 和 Ｃontext (思考性必修主科) 的 essay，年中大大小小的比賽與及飛來蜢 project 或 freelance，又或者 sit 吓其他科目啲堂，今後，想得閒都幾難。

有日，同一啲同學仔傾開計，談到選科的問題，有些同學甚為擔憂，恐怕自己今日揀錯了不適合自己的科目，或揀咗科「冷門嘢」，日後搵食會好艱難，前途和錢途都堪虞。是次在坐討論的，都是亞洲生，有康港、國內和韓國。有人擔心 Illustration 行頭窄，當名 illustrator 搵極有限；有人暑假期間回韓國，在一些頗有名的 design 公司做了一輪 intern，大感前景麻麻，創意水平多流於跟風追潮流風格，深究概念 research 的乏善足陳；有人覺得 Advertising 應該最有錢途，但又怕難找工作，行業競爭太大弱肉強食，或不知自己國家的氣候如何。一股濃霧彌漫在各人眼前。這時，學子想起靚佬湯在《Jerry Maguire》中大叫「 Show Me the Money！」的情景。如果有人可以 show 到俾大家睇，錢途何在，可能，大家即刻放晒心。討論尾聲，有位康港同胞問：「咁，邊範最搵錢呢？」學子即時搶答：「Drug trading。」大家都笑笑口 (甚為驚嘆學子的爛 gag 和涼薄)，... ... 。

其實諗真啲，在經濟先行的資本主義社會中，只要有人可以「Show Us the Money」，再「不切實際」的科目，都很可能會頓時變成眾家長子女的 favorite subject。畢竟，為人父母的都擔心囝囝囡囡們的將來，是否豐豐足足無憂無慮，比一切都重要。這是天經地義的。但是，工作佔了我們人生的三份一，一份做得愉快的工作較要緊，還是一份薪金豐厚的較緊要呢？硬要二揀一*，都咪話唔「人生交叉點」！

唔知關唔關福利主義或人家地大市場廣事，眼見啲鬼仔鬼妹，真的比較闊佬懶理。只要自己鍾意，幾冷門都義無反顧，甚少擔心這擔心那。他們擔心的，是自己太「多心」，乜鬼都有興趣，乜鬼都想試吓。佢哋 focus 的，多由自己出發，好少問「市場」。可能，人家的「冷門市場」都夠養起有志者吧。

有時諗，show 晒條錢途俾你睇又如何？個所謂市場會永恆不變嗎？有 guarantee 嗎？讀得 design，講得 creative，為甚麼還要被動地膽怯地睇住乜鬼大眾市場嚟做人呢？一定要直接地搵到錢先去做嗎？不知去齋讀 business 好過啦？求學不是求分數，原來是求財！

Attitude，Passion 同 Guts 有冇得教㗎呢？

* 嗱，冇話錢唔重要呀吓。大家咪乘機講埋啲乜鬼「要攞個平衡」嗰啲「阿媽係女性論」吓。社會個歪風有幾歪，啲人有幾發錢寒，大家心照。{{ : )