20.2.09

Say No to 撈?!


〔粵音〕Lou1
〔解一〕從水中取出東西。如:「撈魚」、「撈蝦」、「打撈」。唐.舒元輿.坊州按獄詩:「山禿逾高採,水窮益深撈。」
〔解二〕獲得、以不正當的手段取得。如:「撈油水」、「他趁機撈了一筆。」
據解釋二的意思,不難令人聯想起「撈偏門」、「撈粉」、「撈女」、「襟撈(金色勞力士)」、「撈過界」、「拗撈」等地道用語。用「撈」字來形容自己的 career,相信一般家長或稍為受過中等教育的都不會太鼓勵或接受;始終,「撈味」呢家嘢,除咗拍戲扮江湖人士,好似都唔係咁馨香。

本港職業訓練局 (VTC),最近勇敢地 launch 咗個 website, 名為
《LOAD面撈出個未來》,URL 為 http://www.vtc.edu.hk/loadme/。(「load me」?!幸好冇譯作「老味」。) 網頁看來是以一個 online 小 game 來 promote 其幾個主打課程。玩法簡單,首先玩家要選定一個代表某個「專業」的人物造形公仔,然後 upload 自己的頭像圖片,程式便會將頭像圖片套進人物造型公仔的面部,玩家隨即「變身成為夢想好工主角,投身社會最前線!」,在動畫片段中載歌載舞,絕對叫人嚮往兼陶醉。



兩年前,令人眼前一黑的《知 . 專 . 里程 Fly High》MV,VTC 已經露過一手,今次《LOAD面撈出個未來》實在有再下一城之效!上次「MK文化」深入民心,對準 target audience;今云對象層面更廣,有盡攬各行各業撈家之勢。對搵食至上的港人而言,實在非常體貼。正所謂:「飽暖思夢想」,VTC (或IVE),若冠以「康港夢工場」之名,理必當之無愧!

講番《LOAD面撈出個未來》。Upload 自己塊面整造形公仔,稱之「LOAD面」,明白。從徬徨市井青年觀點出發,用「撈出個未來」,都明白。但用一句沒標點的「LOAD面撈出個未來」做 slogan,句子意思就有點兒怪怪?!中文語理通嗎?!學子中英文都麻麻,真係要報報 VTC 啲 course 進修一下,賜教賜教。「Load」「撈」「Low」「No!No!」,食字呢家嘢,真係港人 favourite,在創作過程中,一旦阿某某惗到個「食字gag」,大家都往往欲罷不能地採納,覺得這就是創意,這就是設計。除了優質上乘的,康港幾不可思議嘅 idea 都有可能出街,而且多出自巨型機構 (如電仍),甚至自稱的教育機構。VTC 先後已十分前瞻地身教了我們。還有,VTC 亦貫徹其創作風格 –– 縱使條橋麻麻構思空泛,一於技術效果大龍鳯製作搭夠,務求觀眾報以一聲「嘩~ 點整㗎?!」為目標。(有志走呢種路線嘅同學,不妨惗惗 VTC 嘅 IVE 啦!)

來年 2010,成蟲大哥代言的「霸王設計學院」就會如「敵視嚟樂園」般登陸康港。到時康港設計教育界定必有一番龍爭虎鬥,相信不比澳門賭業興旺兼百花齊放。希望到時大家都可以喺激烈競爭中襟撈襟撈啦!!!


鳴謝:丸氏報料

14 Comments:

At 20/2/09 5:25 am, Anonymous Anonymous said...

新設計學院,咩事...香港地方細細,已經好多切雞學院,radio da da 某專業切雞師都話每有成千個設計畢業生,未計海外回流的,再開切雞學院,香港那𥚃來這麼多"雞"俾切雞師父去切呀? 而且都快進入中央屠宰世紀,如何撈切雞(In HK)?

 
At 20/2/09 11:35 am, Blogger 大6果/觀鳥家 said...

我慢慢覺得,蠢,先係人類最大的原罪。

 
At 20/2/09 4:21 pm, Anonymous Anonymous said...

蠢,係CHINESE最大的原罪

 
At 20/2/09 7:05 pm, Blogger  said...

其實都有D 唔滿意佢教壞中學畢業生...
條片果個so call fashion designer,
無靈感, 就比你去行下街, 就飲杯咖啡, 望下個天就有靈感?

做design 真係咁咩!?

 
At 20/2/09 9:12 pm, Blogger 學子 said...

「有D唔滿意」?丸,你實在太厚度。我覺得直頭 –– 教 –– 壞 –– 細 –– 路!

至於 design 係咪真係咁,我覺得兩睇啦,「design」都分好多種嘅。但我傾向相信《撈》呢個西,係經過「去行下街」「飲杯咖啡」「望下個天」所得出嘅「靈感」。

 
At 21/2/09 7:21 pm, Blogger 麥斯維洛高 said...

作為IVE 的學生..我覺得好醜....

 
At 22/2/09 6:38 pm, Blogger 學子 said...

記得上次《知 . 專 . 里程 Fly High》(www.flyhigh.tv)段片面世冇耐,民間反應嘩然;不久,個西忽然間摺咗,甚有毁西滅跡之嫌。唔知今次呢壇嘢撈唔撈得起呢?

 
At 22/2/09 7:24 pm, Blogger 塞米一條揚陸轟炸機 said...

睇到隻襟撈,笑左XD

 
At 23/2/09 1:22 am, Anonymous meow34 said...

我都讀過ive個廣告科(不過我讀o左年半就走o左, 因為受唔住...), 覺得成個website好有功課feel, haha, 唔知係咪ive d學生自己做呢。
我覺得香港大部份人係覺得飽暖思創作o羅。

 
At 28/2/09 3:21 pm, Anonymous Vincent Fong said...

我覺得個網做得幾好. 生動活潑有趣. 有時簡化D, 比年青人一個夢想都未嘗不可. 任何一個行業, 千萬人從事, 都係得好少數人有資格夢想成真.

但, 真係好想本地人, 唔好再向年青一代, 灌輸"醒目仔smart ass"思維. 搞到以為樣樣野都好easy, 好醒目就叫掂, 潮就係設計...

所以, 我最反感, 係果幾條動畫"rap"歌的歌詞, 充滿smart ass感覺....

 
At 1/5/09 12:40 am, Blogger crayonkid said...

做乜咁耐都唔UPDATE個BLOG呀?~ 我有追開嫁~支持

 
At 6/5/09 12:27 am, Blogger 學子 said...

大荒廢,真唔好意思。

日後會 post 頻啲。

{{ : )

 
At 8/12/09 9:26 pm, Anonymous Anonymous said...

我本來有參與個西ge製作..做ge人唔係學生亦唔係design人..佢話佢以前讀港大language

 
At 9/12/09 12:41 am, Blogger 學子 said...

原來如此。咁算做得唔錯了。

叫佢繼續努力,俾心機。

 

Post a Comment

<< Home