721+722

續集都未消化完，今日又有大單嘢 —— 懷疑炸彈人在地鐵站內被轟五槍身亡。當朋友致電告知時，學子還在Tate Modern與家人一起學習西洋現代藝術史，之後，乜雅興都冇晒。雖然第二波啲炸彈人甩晒轆，未能做成大規模破壞，但都打個突，「真係再嚟？！」報紙講今次佢哋失手，可能係因為啲炸彈過咗期，所以冇爆到；專家指出，因為那些炸彈有效期只有三星期，所以班友仔拿拿臨趕住兩星期攪兩單。估唔到恐怖份子都要趕deadline，搵命搏時，又趕！... ... 難撈，真難撈！好心咁辛苦就咪鬼做啦！

今次的案發地點雖不比上次近，但，佈局就好似圍住學子現在暫住的地區Pimlico咁（見圖，白色人仔是學子身處地）。咦！咁橋？... ... 真係有少少脅。


半透明爆花為77案發地

真係服咗蘋果，繪形繪聲，現場一樣，想象力好過好多illustrator。Poser之運用達至極致，盡顯港人「有電腦特技唔用就笨精神」！


圖片來自蘋果日報