炸彈綻放的季節

埃及又有大爆炸，死傷慘重，認真恐怖！

被倫敦警方連轟五槍擊斃的「嫌疑犯」原來與爆炸案毫無關連，警方表示遺憾。無辜的死者是廿七歲巴西男人，在倫敦當電工的，能操流利英語。警方較早前表示經過長時間監視死者，並因着他大熱天時著住件又大又厚的外衣，鬼鬼祟祟，所以起疑。學子覺得，雖然近日天氣好好，陽光普照，但其實都有時天陰及間中有雨，風也時大，乍暖還寒，25至15度左右，著多件衫都唔出奇，特別是對於一些來自熱帶地區的人。今次呢單悲劇，學子真的不明白班警察做乜咁流，收錯晒料，殺錯人。個巴西佬又做乜越叫越走，好似身有屎咁，又唔係唔識講，咪企定解釋清楚囉，同廿幾個差佬追逐，仲跑落地鐵站，做乜啫？！

唉∼∼∼ 咁嘅氣候，都唔知點著衫好！