優勝劣敗？！
... ... ... ... ... ...
(遲啲先寫 ... ... 唉 ~~~ ~~~ )
... ... ... ... ... ...
一遲，遲咗三日 (今日七月四日)。心情早已平復，只係唔知點寫好。
英格蘭，話自己甚麼自六六年以來，最好嘅一代，前中後個個堅，唉 ~~~ 好心啦，知唔知醜㗎？！所謂你自己認為嘅「最好」，原來都係咁。一啲無謂嘅所謂民族尊嚴，真係可以變成觀看事物嘅盲點。以為西洋人比較理性，原來都好唔得過嗰啲「民族主義者」。一見到有關歌頌自己民族嘅事物，就口水流，大讚好好好，優劣不分。輸咗嘞，失敗咗嘞，變姓賴，話 C. 朗拿度乜乜乜，真失禮，仲唔知衰乜！之前，啲英國躉話：「理得我哋點贏吖，場場一比零，都叫贏吖！捧到盃咪得囉！」唉，set 到個目標咁低，對自己要求咁低，梗係衰硬啦！呢啲咁唔長進，咁冇出色嘅諗法，真係要引以為鑒。
憎法國，但施丹真係靳！... ... 其實冇乜好講，巴西再次輸俾施丹，唯有返屋企檢討一下。(期待「新巴西」嘅來臨！)
近日，傳來越來越多球員退休或退出國家隊嘅新聞，都幾唏噓。(睇怕朗拿度都就快 ... ...)
... ... ... ... ... ...
人大咗，經驗多咗。加上，早排有齣戲叫《Match Point》(冇睇過，但知內容)。加上，今屆世界盃嘅西班牙、阿根廷。加上，HKDI 個 result。加上，之前去了 D&AD 嘅 Student Awards Show。慢慢懷疑「真理」——「優勝劣敗」嘅真確度。
何謂「優劣」？何謂「勝敗」？其實唔係咁黑白分明。「一分耕耘一分收獲」亦都唔係 100% work。「獲獎無數」就代表「質素」？「顯赫評判」就能選出最好？「打得漂亮」贏取民心，卻輸掉球賽，就等如「零」？... ...
唔係想否定一切既有傳統思想，只係覺得呢啲思想，若果成為想考盲點，有時，其實都幾害死人，都幾恐怖。
圖片來自 FIFA 網頁
posted by 學子 @ 5:00 am
18 comments
18 Comments:
失望失望失望
一隊南美波都無剩...
唯有寄望葡萄牙 ... ...
係咪開始懷疑優敗劣勝?定係正常人對"優" o既定義唔係幾合用於三黃先一紅 o既世盃?
申報:無買波,亦無崖過夜睇波,亦無心水(indeed 小小南韓)...
不過曾經好天真咁希望四強歐洲/non-歐洲各半.
一陣，德國對意大利，差啲唔見得 ... ...
> 何謂優劣？何謂勝敗？其實唔係咁黑白分明。
> 一分耕耘一分收獲亦唔係 100% work。
> 獲獎無數就代表質數？
好似考試咁，一場比賽唔足以論英雄，但係又可以定生死。個世界就係咁吊詭，吊詭都係真理既一部份，無得俾你懷疑。
岩岩幾分鐘前意大利送完兩粒送走德國，無綫live & free既衛星轉播都無埋，播唔完場，睇唔都完場雙方球員強烈對比既表情添。
118 分鐘 0:0，原來可以精彩成咁！最後兩分鐘，意大利兩球世界波，2:0 殺入決賽！好睇到暈嘅 semi-final！！！
唔喜歡德國，但佢哋真係踢得好好好好！！！(好過巴西多多聲！)
意大利，攻到最最最後一分鐘，球員搏命，冇割禾青，冇 dum 波鐘，今屆世盃罕有！
兩隊踢出真正足球比賽應有嘅節奏、氣節。攻得好，防得穩。好 surprise！！！好波！
(希望葡萄牙同法國明晚一樣踢得精彩！ ... ... 最後法國殺入季軍戰！)
所以，當理解「優勝劣敗」呢句話時，真係要俾闊啲空間自己囉。
德國敗，但一啲都唔劣。
淨番 Puma、Nike、Adidas，睇吓邊個獲得最後勝利先。(Anyway，球證都係 Adidas 㗎嘞。)
不過，講開又講，Puma 呢次件波衫啲質地就認真劣！一有汗，即時黐晒肉，好似尼龍造咁，真係難為班非洲同意大利球員！
Matchpoint勁好睇。睇完，原來人生就係咁仆街！
成敗論英雄呀！
慘！二輪戲院都上完㖭！要等 DVD。
係呀，係呀，我就係想帶出「成敗論英雄」呢種武斷嘅荒謬風氣！
唉 ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~ ~~~
um...
自從巴西比施丹踢走之後 , 確實地覺得邊個拎冠軍都所謂了 (當然某程度上都想德國嬴 , 但已經無可能..) .
唔知點解 , 今屆世盃我覺得有點 [不知所謂] 既感覺 , 或者係 d 球證痴左線掛.. ?
意大利最後捧盃，我會開心。因為佢哋準決賽踢得漂亮、Puma 又九世未嘗冠軍之味、保方確係神勇、托廸似華弟，好親切、其實幾歡喜廸比亞路、自己去過意大利兩次、米高安哲奴同達文西都係意大利人、意粉同 pizza 都係「邁飛佛」... ... etc。
法國最後捧盃，我亦會開心。戥施丹開心。完。
有晒理由俾自己睇呢場決賽，人都開心啲！
(希望葡國攞季軍，因為費高都似係「啦士」一屆。)
{{ : )
意粉同 pizza 都係「邁飛佛」...
↑我都好鍾意吃 PIZZA !!
法國話哂施丹 last一屆 , 嬴面點都會高 d 既...
話時話 , 你有無買波架 -_-
我有同事買重巴西對法國果場 , 買巴西 win ,
$1300.....
我份人對於賭黎講 , 怕輸 , 輸唔起所以我唔會比錢去賭 ~
但六合彩都會買下 ...
我同阿叔一樣 —— 好唔鍾意賭波呢樣嘢！！！
我覺得係一種汚染。
好幸運，今屆睇 BBC 同 ITV 直播，佢哋絲毫冇提甚麼波盤、讓球等俗氣嘢，感覺良好，好專業嘅評論同旁述，純正足球。
同樣合法賭波，唔知點解康港傳媒特別「照顧」觀眾嘅呢？！
為收視啦... 觀眾鍾意睇咩咪播咩囉...
果頭叫你唔好賭波 , 果頭叫你估賽果嬴獎金 ,
我就覺得好好笑喇 ~ >:D
錢，始終係「大眾公尺」。
Post a Comment
<< Home