青雲路

唔知點解，講起青雲路，令我惗起陰陽路。同樣撲朔迷離，跟行屍走肉有關，難以摸清可遇而不可求。

返康港發展，還是再試試留在英國久一點點碰碰機會，在這一刻，真係惱我。

留英：爭取一些外地的工作經驗。
返港：可以與家人一起。
留英：CV 可能會增值點。
返港：始終係自己地方。
留英：可能要做 junior，人工少少。
返港：應該收入和職級會正常點。
留英：可以過些有收入的外國生活。
返港：可以與親人教會弟兄姊妹朋友常見面。
留英：清靜多，有空間做自己想做的事。
返港：忙碌格，要付出很大才可搾出時間做點工餘事。
留英：繼續浸淫在文化熱帶雨林中。
返港：意圖灌溉文化沙漠。
留英：與英語連繫的生活延續。
返港：重投母語懷抱！
留英：造人計劃在異邦。
返港：有兩邊家庭大大 support。
留英：賺番啲英鎊返嚟！
返港：要惗惗大陸。
留英：可以跟同袍們發展工餘事業。
返港：可以跟同胞們發展工餘事業。
留英：續遊未涉足的歐洲各國。
返港：開發亞洲未到之處，尤其國內。
留英：要搵波踢。
返港：隨時落街跟街坊跟隊。
留英：每個週未都有 Match of the day 睇。
返港：要裝 NOW，唔知幾時又轉去有線。
留英：隨時上 Amazon 買書都平。但冇中文好書。
返港：要忍受貴書兼種類少。但有中文書。

… … 有得揀都唔知點揀，何況冇得揀。唯有聽天！


上週未，難得夏天忽然回魂，雖然涼涼地但總算放晴。與內子到東邊的海灘 (注意：非沙灘) 走走。奇怪，明明是東邊但該地名叫 Southend，唔知以邊度開始計？(上圖) 在 high street，有個阿叔攞住幾隻貓頭鷹示眾，場面甚為墟冚。我趁隻鷹唔覺，摸咗佢一下，好開心。Southend 離敦倫約一個鐘頭火車，算最近的海岸，景色相當宜人。加上有個叫 Adventure Island 嘅遊樂場，感覺非常老少咸宜 (好明顯我屬中間)。不管只係一個海灘/石灘，不是沙灘，但人頭仍是湧湧的。水淺得離奇，肯定淺過淺水灣好多好多倍。一般浮台位置，水位只到「腳瓜朗」。三名印巴藉哥仔，全套便裝，扮晒太陽為名 … … 。



(上圖) 如果咁大粒都算沙，咁當我錯，叫沙灘。行出海，回頭望，原來都走了不短路，站在海中間，背着背包，很有走難著草 feel。我的黃金巴西右腳。不論高矮，人人都浸唔過頭。淺水可以浸蛟龍，浸腳都一樣爽。



高挑的內子，連腳瓜朗都未浸到。看，遠處仍是淺水呢！話說，出過海後，我們到了海邊的一間小店吃 fish & chips，餐後，望向海面 … 喔！整個海都好像「乾」了，潮退得真快！連連幾千米外，都是退了潮的濕地。想一想，怪不得幾年前在 Morecambe Bay 的慘劇 (事件之後拍成電影《Ghost》(鬼佬))，遇難者潮漲後無法及時返岸。… … 過山車好玩，但聽見班鬼仔鬼妹叫到拆天咁，冇坐都經已很高興。公厠外日光浴，有時真係好難理解外國人嘆世界的獨特品味。