三揀一定三合一？！

唐英年：物色頂尖專家確保西九規劃達世界級

西九文化區管理局董事局召開首次會議，董事局主席唐英年會後表示，管理局的首要工作，是為西九文化區擬定發展藍圖。

唐英年說，為了確保西九規劃達世界級水平，管理局會公開招標，物色本地及海外頂尖專家，制定規劃方案，稍後將提出3個概念方案，分階段諮詢公眾。

唐英年稱，提出三個方案是希望市民有得比較，雖然最後是三選一，但不代表會排除其餘兩個方案中的元素。

管理局又會公開招聘總監及行政總裁。被問到會否公開管理局會議及文件，唐英年說，管理局會盡量公開及透明。

《香港電台中文新聞》2008-10-28 HKT18:37

要數扣人心弦連續劇，冇乜邊套好睇得過《西九》。之前搞咗一大餐，又天幕又豪宅又盛，最後拉倒，洗牌再嚟，嚴重浪費地球資源。攤凍咗無耐，而家又嚟，仲搵埋「三碌ling唐唐」擔正，今云真係萬眾期待，好睇過戲。

昨晚睇電視新聞，唐唐溫柔地解釋「新西九」將會如何誕生 (上文)，真係令我哋呢班戲迷放晒心——因為保証好戲在後頭。「物色頂尖專家確保西九規劃達世界級」無乜問題，就算再搵 Norman Foster 都唔係問題。「將提出3個概念方案」更加唔係問題，「有得揀先至係老闆」嘛。但––係––！甚麼「雖然最後是三選一，但不代表會排除其餘兩個方案中的元素。」咁即係想點？！薜家燕《皆大歡喜》麼？最後三個世界級頂尖專家坐埋一枱度個「三合一方案」畀你好唔好？Come on~~~ 不如搵建築署拿拿臨起幾座「蝦肉色康文藝術文化保育博覧現代商貿中心」好過啦。

「管理局會盡量公開及透明」，此地無銀！