Giving Up ?!

「我辭職。」
「你決定放棄了嗎？」
「不。正好相反。」
「... ...？！？！」
「正因為我不放棄，所以我要離開(你)這間公司。」
「何解？！」
「不想放棄的，是我對設計的一些堅持和信念。」
「... ...(半明地點着頭)」

... ... ... ... ... ...

我們是跨國公司、專業、有創意、說英語、破舊立新、有洋人 staff、有巨型客戶。但不代表出品具國際水平。

客人話一，我們不敢話二。有人建議「一點二五」咩？都太「危險」了，不夠 safe。因為客人要求的是「一」。

貼服地回應客戶要求，比建議客戶甚麼才是最適合他們重要。專業在於 play safe，能做出「無可指責的設計」。少試少錯，唔試唔錯。

沒有人是完美的，所以沒有人需要為失誤負責。投訴的，要有完人般的 EQ 忍耐到底。

整體上，設計往往是最無關痛癢的一環，它不會比 marketing、project management、budgeting 和 business development 重要和值錢(尤其反映在人工和權力上)。實際上，設計絕對是舉足輕重影響大局的關鍵，尤其在設計師想堅持，唔識設計的又企硬的時候：「我知個客要乜！你唔照我嘅 comment 改，個客唔 buy，單 job 禍咗係咪你哋班藝術家負責先？！」

「吖，你個 portfolio 好好㗎喎，點解你做出嚟啲嘢硬係冇同樣水平？」
「... ...(心惗)(我個 portfolio 你冇 involve 嘛。)」

... ... ... ... ... ...

《溏心風暴之家好月圓》《選舉論壇之社民連》咁受歡迎，總有其文化原因。婆媽吵鬧看似戲劇化，但不公允小人當道卻熟口熟面。大家都渴望 –– 周聰(公公)攞個湯殼出嚟，連湯帶渣一嘢一嘢咪落啲死人頭度！

要講，總有正反方，公說公有理，婆說婆有理。Giving up 與 Moving on，一時難說清。

一間公司，五個月內，走十一人(各部門兼包括要員)，應該不無原因。

... ... ... ... ... ...

多謝朋友慧琳送我這首《天公地道》。