未變種公德基因
回應朋友之《公德無量》。
「亂拋垃圾 人見人憎」呢雙眼可以話係學子懂性以來首度接觸到最 powerful 的 designed visual identity！今日睇番其 impact 同間字的處理，不得不承認，香港中文 typo 咁多年來，冇乜大進步，甚至平均水平不及「手稿年代」。原因的確值得深究，否則在可見將來，難有突破，前景暗淡。(因 typography 是「可見的語言」，在設計上，它是極其重要而又係基本嘅課題，所以連基本嘢都攪唔掂，仲講乜鬼其他深奧嘢呢？) 不知這經典 campaign 出自何許人呢？只記得對眼是鬼婆眼，其他的一概不清楚。
差勁港人公德令變種港人感到羞家，是事實。但論程度，遠遠不及國內同胞！如果學子係國內變了種的新新同胞，更覺羞羞羞家！唉，不過，九七後，在外國人眼裡，香港同中國大陸根本就冇分別！(咁事實上又的確係一家親嘅~~~) 所以作為華人，真係要爭氣，咪喺公共場合做出啲野人行為，要令「理性的歧視者」跌眼鏡。不過，如果表現太有文化兼文明，又容易被人誤以為是東洋人，... ... 真複雜！
「公德無量」行為仲有好幾項是令學子非常氣頂的。
01。在非吸煙地方抽煙！包括上公車後將含在口中的煙釋放在車箱內！將點着的香煙帶入電梯內，扮冇影響！
02。不掩口地狂打噴嚏/咳，令空氣中出現一陣陣口水味！(咦~~~！)
03。乘扶手電梯企硬左邊！或二人一左一右地堵塞上落通道！
04。成班人企喺繁忙的路中間！包括眾「直銷路霸」！
05。巨大聲地放喉分享私人談話及污言穢語！
06。用腳頂住前座觀眾或乘客！
07。亂發 junk-mail/forward email！
08。雨天行騎樓底唔閂遮！
09。慢車死霸住條快線！
10。㩒錢似打機！
唉，都係嗰句，生活在高方便高密度的都市，是需要付出代價的。更何況生活在一群有待變種的「舊舊香港人」當中呢？
posted by 學子 @ 8:57 am
13 comments
13 Comments:
-係呀，果對眼細個睇已經覺得好犀利~!!! 依家「亂拋垃圾罪千五」個keyart只不過係扮Studio Voice typo，好cheap，又無厘impact，劣!!
-其實同大陸比的話，我覺得真係五十步笑一百步，遲下個距離分分鐘仲會縮窄，因為我覺得香港人越黎越退步。
即係早幾年咁，份工返銅鑼灣d商廈，幫人hold lift從來無得到過一句吾該，仲要眼尾都吾望下你，好似應份幫佢咁；調返轉我係「追lift」果個角色呢，對方就猛禁個"close"掣!!同埋好鐘意人地未出lift佢地就入lift先；反而家下返香港仔工業區，d人好有禮貌。
同埋本埠食肆d服務態度越黎越惡劣，程度直逼國內，劉德華應該逐間拜訪，然後複述一次佢既金句!
-你講果十宗罪真係中哂!!宗宗都令人慶過火屎!!!操他十八代祖宗!!
加多點..
11. 係戲院電影放影期間講電話, 大大聲咁同 鄰座講劇情
「06。用腳頂住前座觀眾或乘客！」呢樣野的確係勁討厭。但係我同事經常咁做，上次坐飛機C-Class 咁闊都可以好順手地一縮，一頂咁就變形，話佢時仲可以響度搞小便「我腳長！」，我便毫不留情地回應一句「腳長? 咪斬左佢囉！」0的人都唔知咩結構！
有時有o的細路係咁係後面踢...都好難頂...
其實..除左First, Business 同Economy...係咪應該整多個Kids class呢~?
說到「手稿年代」，給你一個活生生的見證。
講起用腳頂住前座觀眾或乘客,非常同意愛喝vodka+coke的貓所說,唔知點解d細路咁鍾意踢前座,更離譜的是家長完全不覺一回事
成日覺得唔識教,就唔好生啦!!!
電戲院觀眾講電話，証明香港高等教育極為普及，可喜可賀！
話說小弟應朋友之邀，偷渡到港大偷聽陶傑某通識科的lecture，兩小時入面，手機鈴聲不斷，講電話ge ge jum jum 聲不絕於耳
坐前排者更公然拿出計數機，做其他學科的功課。所以，在電影院講電話，只乃校園上課習慣之延伸，香港高等教育如此普及，又豈不是國家之福？
In New York City, there are 2 stations you can never find seats, one is Canal Street, the other one is Grand Street. It also smell like the sewage. All the Chinese ladies and gentlemen will take over the empty seats. Their speed is unbelievable. Sometimes, they even stick their butt out first to occupy the seat, whatever way to get a seat fast. No one can compete with them, since they try to get on the train before letting the others to get off the train first. Is it me or it's also obvious to the others? My only justification is that they grew up in an environment where they must fight for everything, food, shelter, job... seats... but what happened to manner?
多謝各位 X-men 的回應，看諸位所見，證明大家都變了種。可能是「未完全變態」嗰隻變種人，但如果大家唔係得把口，可以盡自己本份，香港應該會冇咁「臭」。臭駡同時，即管以「明天會更好」精神面對現實，咁，應該會開心啲！
{{ : )
「如果表現太有文化兼文明，又容易被人誤以為是東洋人」
嗯......如果二選一的話，妹子寧願被人以為是東洋人好過！妹子可不要做沒禮儀沒氣質的傢伙！！
妹子，你咁講會俾好多愛國愛港人士唾罵唷！
學子曾經介紹自己話來自香港，而非中國或中國香港，竟被一名香港同胞糾正。難道有人說：「我來自威爾斯。」等於他否認英國人的身份嗎？唉 ~~~ 小氣自卑真係冇得醫。
這是陶傑先生所說的「小農社會」特色呀。
哈，還是那句，當個有文化的人而被人家唾罵，我倒不介意。而且，我沒有說自己不愛國／香港呀！我不愛反智兼沒水準的港人，和變得畸形的香港而已。人呀，你要罵便罵吧！哈哈！ :-p
補充一下，我常常都被人家當成東洋人或外地回流人士，就算全程都用廣東話也如此。有次售貨員以為我是移民到香港的日本女子（所以懂說廣東話），我還可以說些什麼呢？所以，「當東洋人」？早就慣了！哈哈！:-p
Post a Comment
<< Home