17.8.05

設計相學 I

事先聲明,學子不睇相,更不鼓吹睇相,對它亦冇乜認識同興趣。用「相學」一詞作題,只係因為詞彙庫缺貨,同埋想配合內容。

睇相,撇除求神問卜運程命理嗰 part 迷信嘢,其實有啲似統計學。統計自古以來粗眉的多數係乜性格,痘皮的多數又係乜為人,粗眉加痘皮等於乜乜負面價值等等。如果十個粗眉加痘皮中有七八個合乎術士們所講的性格特徵,便會成為一種「believe」,咁樣,其他嗰兩三個都會 somehow 被認定為有「粗眉加痘皮的性格」。這種帶有迷信色彩同屈人的相學,學子不敢苟同。但觀人於微,聽其言觀其行,用觀察去「了解」一件事或人,學子倒覺得有趣和值得研究一下。至少觀察係一種很有用的 research 方法,得來的 data 加以理性分析,可以是很科學,很有啟發性的。

「以貎取人」是不應該的,去打量一件事或人,不應狹窄地只靠外表去作終極判斷,忽略全面多方的了解同分析,是戇居的。但是,也不可完全 ignore 其參考價值;畢竟,身體語言、面部表情、衣著裝扮等都可以給我們一些視覺和臭覺,甚至感覺,的「訊息」(正所謂「魔鬼在細節中」)。善用它,可能比細閱一個人或公司的 CV、portfolio 或 profile 更可靠 (因這一切都是係人都知要做得好好睇睇的)。

正題。

學子想帶出的,不是甚麼新東西或真知灼見,只是有感一些人、公司、機構、學校、或政府的形象及作風,其實可以以設計角度去打量一下其質地或精心形象設計背後的「底蘊」。因為學子相信出色而成功的廣告或企業形象,是真的可以瞞騙眾人的;相反,又雞又流的,可以反映出一些「蛛絲馬跡」。

舉例說明之。八號仔由以前石老先生設計的「紅色 T 字叮噹」logo 起,跟住 modified 去「三間 T 波波」,再由紅變藍成為「線與無線的一橫橫地球」,最後去到今時今日的「打格仔」。除搾旗者變動外,其股價都有如過山車般上上落落,最後乜價位,大家心中有數。學子唔係陸叔,唔曉股票或甚麼投資管理,只談設計。以 logo 論 logo,質素確係以前的幾代比較似樣,可用性夠靈活,有理念有因由,大方得體,經濟實用。明顯地,到了「線與無線的一橫橫地球」和「打格仔」就透露了少少「嘢」!「線與無線的一橫橫地球」因為以多條橫線組成,所以在縮細的情況下,要以一個「比較少橫線的 version」去避免印刷上「盟」的問題。換句話說,即是在一些設計案子製作上,時間成本可能因為設計本身缺陷而提高了。不過,這遠遠不及「打格仔」logo 敗家!logo 本身先天性有嚴重缺陷,approve 佢成為如此大企業商標的仁兄,應該重打五百大板!成個 logo 有多達七種顔色,又有漸變灰色幼線,犯下所有基本商標的大忌!浪費金錢,破壞環境!仲話要「永遠出現在白色 background 上」,太可笑了!以為全世界的設計品都圍住你來轉嗎?

小例一則,或多或少證明了一個領導層對其企業形象的輕視,可能,連帶一代電訊霸業的衰落。

待續。

9 Comments:

At 17/8/05 7:40 pm, Blogger ablogaday said...

> 正所謂「魔鬼在細節中」

好彩Bauhaus前校長Ludwig Mies van der Rohe都講過"God is in the details."唧!

 
At 17/8/05 10:04 pm, Blogger 朋友 said...

hahahahaha~~一直想寫一篇類似o既文,點知俾你寫先,不過我應該冇你寫得咁好~~
good post~!

 
At 18/8/05 12:11 am, Blogger 學子 said...

上帝直頭無處不在㖭啦!哈哈!
對於「活在設計蠻夷的無神論者」而言,根本無分魔鬼定上帝!一切以一句「見仁見智」已經可以推翻乜乜物物理論研究!甚麼細節與大圍,who cares?

 
At 18/8/05 12:16 am, Blogger 學子 said...

朋友,乜咁謙呀? {{ : )
齊齊寫!齊齊數臭爛鬼劣 design!嚇嚇嚇嚇!

 
At 18/8/05 2:59 am, Blogger 林檎妹子 said...

坦白說,我還是最喜歡「叮噹」版本啊!

 
At 18/8/05 11:31 am, Blogger ablogaday said...

喂學子,遲D寫番篇「相信設計既人點解又會唔信個世界係經過精心設計既呢?」布殊最近都猛叫美國D學校都應該教下intelligent design套野。

 
At 19/8/05 12:29 am, Blogger 學子 said...

都怪石老先生一去去得太盡,個 solution 咁鬼 timeless,攪到後來的被比了下來。
{ ; )

 
At 19/8/05 12:37 am, Blogger 學子 said...

「相信設計既人點解又會唔信個世界係經過精心設計既呢?」咁嘅 blog 題,實在太正!不過 ... ... 學子要 study 一大輪先,免得妖言惑眾。或者,而家開始 research,等三年級時,以它作論文題目!哈!哈!

正如「creative」呢個詞語,人類又是否完全匹配用在己身呢?

 
At 19/8/05 1:25 pm, Blogger ablogaday said...

全能(omnipotent)既上帝係創造世界方面係極度creative。

人類嗎?都係omnipotent同極度creative,不過係破壞同污染個地球呢方面...

 

Post a Comment

<< Home