地球冇停轉

(本文含《地球停轉日》劇情)

昨晚，興高采烈地去睇 Keanu Reeves 嘅《地球停轉日》。睇完，發覺 ... ... 咦？！乜個地球由頭到尾都好似冇停轉過嘅？！！綜合各親友觀後感，兩個字評語 –– 把鬼！

主旨冗長地講環保，唔緊要。Keanu Reeves 又有特異功能，唔緊要。地球又面臨大災難，唔緊要。人類又就快玩完，唔緊要。又第三四五六類接觸，唔緊要。CG 來 CG 去，唔緊要。個英文戲名難讀 (The Day The Earth Stood Still)，唔緊要。又玩全個市中心空無一人，唔緊要。將 iron man 變滑溜，都唔緊要。但 –– 係 –– 個中文戲名叫《地––球––停––轉––日––》，你唔好停都冇停吖！？！！臨尾，全球所有科技機械電子系統停了，應叫「停頓」！唔係「停轉」噃！譯名嗰位仁兄唔會將「stood still」，譯做「停轉」吓化？！... ... 唉，呢個誤會真係唔係好美麗，仲嘥我幾廿蚊！

個戲名固之然無稽兼貨不對辦，整齣戲更似笑片。最難忘一幕莫過於 Keanu Reeves 同個華籍阿叔講國語嗰段。兩條友仔分明都國語麻麻，講講吓仲講番英語，認真騎呢！唔通外星人興咁樣溝通？！仲有，奇洛身懷嗰種可以「醫好」電子機械及控制電子網絡嘅異能，十足《Heroes》入面嗰個黑人小童 Micah，熟口熟面程度，絕不下於我們的「家常小抄」。

記得，去睇《地》之前，剛看過的胞兄曾忠告我「此乃 B 級片，租碟好過」。此刻，我仍不太認同胞兄的講法，因為，那不是 B 級！D 級就差唔多！！！

谷氣！

家常小抄一則

Photographer: Art Partner, Mert Alas & Marcus Piggott


(出處待查，斷估唔係 Mert Alas & Marcus Piggott。)

鳴謝：Glamour Punk 報料