奶水與西九

《奶周》被揭發盗用他人網上照片作編輯用途，再次無視知識產權，令眾非讀者感到慶幸。

西九復活，無啦啦有個新名 —— M+。相當深奧，不知是否有意令市民對藝術加倍敬而遠之。還是，意指「Money +」，搵到錢就玩吓藝術，附庸風雅一番，續發追敦倫趕紐約之夢。

睇見「西九文化區」個 website，以為去咗幼稚園，一貫政府鍾情的粉色，感覺良好，但唔多開胃 (有助減肥)。不知該 site 出自誰家大師手筆，如果又是價低者得的 tender 贏家之作，我會為西九默默禱告。

不知何時起，康港人忽然愛藝術、玩設計、講創意、賞音樂，而不是傳統的呵欠藝術、送設計、抄創意、K 音樂。我不是離開了很久了吧？！

「四 A 金禧」賣創意，但抄；《奶周》講創意，但抄；「傷苔」自稱創意，亦抄；「無記」則較老實，但照抄 ... ... 究竟甚麼是創意？飲此等奶水大的下一代，會否變大頭嬰？

再睇西九張海報，當唐打咗個冷震。令我惗起市政局，惗起 book 場打羽毛球。(康港好的 graphic designer 死晒？)

一日有如此錯配，很難令行內人不睇死呢壇嘢。(容許我用個「嘢」字)