賀年揮春

一本萬利、橫財就手唔係唔好，不過對於我哋呢啲半文化、半清高人士，實在略嫌銅臭咗啲，太過康港。做創作、當切雞屍的，除了麵包，心靈滿足都好緊要。Ban 過百次，改過萬次先 Buy，就算有糧出、有票收，都頂多得一半滿足。

年近歲晚，《中央聖學子》仝人，向大家拜個早年，恭祝各行家... ...



(雖然跟一般揮春一樣咁不切實際，但新正頭，就應應節吧！歡迎下載列印張貼)

純綷巧合

商業電台2008年度叱吒903樂壇流行榜頒獎典禮


Poplight in Mojave Desert near Amboy, California


有根有據三連冠之對上兩年... ...
2007 http://www.littleoslo.com/cnt/home/?p=1244
2006 http://welovecopy.blogspot.com/2007/01/903-vs-mtv-europe.html

(鳴謝超人報料，促成三連冠！)

零九展望

望明愛醫院認真重視平面設計，盡快改善院內外的指示路牌，咪再以為差勁設計唔會搞出人命。

望普羅大眾關注完 Vivian Chow 之後，會理下 Vivienne Westwood。一月底便完畢的 Vivienne Westwood 「A Life in Fashion 時裝設計展」絕對係萬勿錯過的本地文娛康樂活動，淨係「Hong Kong’s first collaboration with V&A, London」，就已經夠叫座力吧。

望 IVE 音樂系搞好啲。

望人民幣偽鈔唔會食死人。

望「微調教學語言政策」生生性性，不會引起太大混亂，令下一代學有所成，長大後比今日政府官員更有智慧。還有，希望「微調」一詞不會因是次翻天覆地的教育政改而日後在字義上引起太大混亂，令下一代以為「微調」是「大調」的意思。

望娛記們了解「淫照」與「普通情侶晒太陽照」之分別。（唔服？！咪即官睇今年農曆年有冇人攞「普通情侶晒太陽照」去拜年？！）

望海洋公園眾獸學會偏食，唔好再咬人，搵該咬的才咬，例如：米奇老鼠。

望誓要裁員的老闆聽取民意，裁走犯眾憎嚴重影響辦公室工作氣氛的討厭怪！

望一切看似唔錯的本地設計，不會在一陣子後被揭發另有出處。(尤其傷台個頒獎台設計)

望在較安穩的日子裏，仍然有火有力，寫好呢個 blog。

祝大家新年生活簡單！

{{ : )